ԱՄՆ և Մեքսիկայի սահմանին երեխայի վիթխարի դիմանկար են տեղադրել

Երեխայի դիմանկարով 20 մետրանոց նկար են տեղադրել Մեքսիակյի ու ԱՄՆ-ի միջև սահմանին, Տիխուանա քաղաքից ոչ հեռու: ԱՄՆ կողմից նայելիս, տպավորություն է ստեղծվում, թե երեխան ձեռքերով կառչել է սահմանային պատից:

Երեխայի դիմանկարը ֆրանսիացի նկարչի ձեռքի գործն է: Նկարչի խոսքով, նա այս դիմանկարով փորձել է հիշեցնել էմիգրացիոն քաղաքականություն վարող ամերիկյան օրենսդիրներին, որ սահման անցնողներն էլ  «սիրտ ունեն»: Ըստ նկարչի, սահմանը անցնողներից շատերը դա անում են` լավ ապագայի հույսերից դրդված:

Հիշեցնենք, Թրամփի նախընտրական խոստումներից էր` Մեքսիկայի սահմանի երկայնքով պատ կառուցելը, որը կարժենա 21 միլիարդ դոլար: