Կարմիր խաչի ներկայացուցիչներն այցելել են Ադրբեջանում հայտնված Զավեն Կարապետյանին

Կարմիր խաչի միջազգային կոմիտեի Բաքվի պատվիրակության ներկայացուցիչները հուլիսի 1-ին այցելել են ադրբեջանական կողմում հայտնված ՀՀ քաղաքացի` 43-ամյա  Զավեն Կարապետյանին: Այս մասին Yerkir.am-ին հայտնեց Կարմիր խաչի երևանյան գրասենյակի ներկայացուցիչ Զառա Ամատունին:

Սա Կարմիր խաչի ներկայացուցիչների առաջին այցելությունն էր ՀՀ քաղաքացուն:

Հիշեցնենք, որ հունիսի 21-ին Ադրբեջանի զինված ուժերը տեղեկություն էին տարածվել Զավեն Կարապետյան անուն-ազգանունով անձի գերեվարվելու մասին՝ նշելով, թե նա դիվերսանտ է: Ավելի ուշ հայտնի դարձավ, որ Կարապետյանը երբևէ զինված ուժերում չի ծառայել, մտավոր թերզարգացած է: Ոստիկանության ստացած տեղեկությունների համաձայն՝ վերջին տարիներին նա մշտական բնակության վայր չի ունեցել, ՀՀ տարբեր տարածքներում վարձատրության դիմաց անասնապահությամբ է զբաղվել։