Նորածինը մահացել է հիվանդանոցից հիվանդանոց տեղափոխվելու ճանապարհին. մանրամասներ

Տեղեկացրել էինք, որ հունիսի 17-ին Արթիկի մոր և մանկան առողջության պահպանման կենտրոնում նորածին երեխա է մահացել:

Yerkir.am-ին Քննչական կոմիտեի նախագահի խորհրդական Սոնա Տռուզյանը տեղեկացրեց, որ, ըստ նախնական տեղեկությունների, կինը վաղաժամ է ծննդաբերել: «Ծննդաբերությունը  հունիսի 16-ի ուշ երեկոյան է եղել: Երեխան մահացել է շտապօգնության մեքենայով Արթիկի հիվանդանոցից Գյումրու մոր և մանկան հիվանդանոց տեղափոխելու ճանապարհին»,- ասաց նա:

Տռուզյանը նշեց նաև, որ դեպքի կապակցությամբ հարուցվել է քրեական գործ` Քրեական օրենսգրքի 130-րդ հոդվածի 2-րդ մասի հատկանիշներով: Նշանակվել են դատաբժշկական փորձաքննություններ` նորածնի մահվան պատճառը պարզելու համար: