Բաքվի կողմից ռուսական զենքի կիրառումը լուրջ հույզեր է առաջացնում Հայաստանում. Վիգեն Սարգսյանը` Интерфакс-ի հետ զրույցում

ՀՀ ՊՆ ղեկավար Վիգեն Սարգսյանը հարցազրույց է տվել ռուսական Интерфакс-ին, որում անդրադարձել է նաև Ռուսաստանի կողմից Ադրբեջանին զենք վաճառելուն:

«Հայաստանում հասարակությունը մեծ նշանակություն է տալիս այս թեմային, հատկապես` երբ նման զենքը կիրառվում է իրավիճակի սրման ժամանակ, ինչպես դա տեղի ունեցավ 2016-ի ապրիլին: Նման սպառազինության յուրաքանչյուր կիրառում, բնականաբար լուրջ հույզեր է առաջացնում Հայաստանում` հաշվի առնելլով մեր ժողովրդի յուրահատուկ վերաբերմունքը Ռուսաստանի նկատմամբ: Մենք Ռուսաստանի հետ իսկապես դաշնակիցներ ենք: Այդ մասին գիտեն բոլորը: Եվ եթե ռուսական զենքը անհավասարակշռության հետևանքով վտանգի գործոն դառնա հակամարտությունում, ապա, կարծում եմ, դա առաջին հերթին ձեռնտու չէ Ռուսաստանին»,- ասել է նա: