Մարսելում և Ֆրանսիայի այլ քաղաքներում 3 անձ է ձերբակալվել` ահաբեկչություն նախապատրաստելու կասկածանքով

Մարսելում, Կլեմոն Ֆերանում և Փարիզի արվարձաններից մեկում երկրի անվտանգության ուժերը 3 անձ են ձերբակալել ահաբեկչություն նախապատրաստելու կասկածանքով:

«Նախապատրաստումը գրոհին գրեթե ավարտված էր, ուստի որոշում կայացվեց ձերբակալել նրանց»,-պարզաբանել է աղբյուրը հատուկ ծառայություններում, գրում է «Lenta.ru»-ն՝ հղում անելով «Le Figaro»-ին։ 

Ինչպես նշում է պարբերականը, ձերբակալվածներից մեկի բնակարանում՝ Կլեմոն Ֆերանում սակրավորները պայթուցիկ սարք են վնասազերծել:

Ֆրանսիայի իրավապահ մարմինները 2016-ին 17 ահաբեկչություն են կանխել: Այդ մասին հայտարարել է Ֆրանսիայի ներքին գործերի նախարար Բրյունո Լը Ռուն դեկտեմբերի 23-ի երեկոյան Փարիզում: