Փարիզում անկարգություններ հրահրելու կասկածանքով 24 մարդ է ձերբակալվել

Փարիզի Օլնե սու Բուա արվարձանում 24 մարդ է ձերբակալվել, որոնց կասկածում են անկարգություններ հրահրելու մեջ։ Ոստիկանությունում AFP–ի աղբյուրները հայտնում են, որ նրանք փորձել են հրդեհել 2 ռեստորան, տասնյակ մեքենաներ եւ աղբամաններ։ Դեպքի վայր են ժամանել հրշեջ ծառայությունները, փոխանցում է RFI–ն։

Անկարգությունները սկսվել էին փետրվարի 6-ին արվարձանում, որտեղ փետրվարի 2-ին ոստիկանությունը դաժան միջոցների էր դիմել 22-ամյա երիտասարդին ձերբակալելիս։ Տուժածը  խմբակային բռնաբարության է ենթարկվել ոստիկանական մահակով։ Միջադեպը ֆիքսել էր տեսախցիկը։ Ոստիկաններից մեկին մեղադրանք է ներկայացվել բռնաբարության, երեք հոգու էլ՝ կանխամտածված բռնություն գործադրելու համար։ Բոլոր 4 ոստիկանները պաշտոնից ազատվել են։