Թրամփի միգրացիոն հրամանագրի դեմ խմբակային հայց է ներկայացվել

ԱՄՆ Սիեթլ քաղաքի դաշնային դատարանում խմբակային հայց է ներկայացվել նախագահ Դոնալդ Թրամփի ստորագրած միգրացիոն հրամանագրի դեմ. հայտնում է РИА Новости-ն`Քաղաքացիական ազատությունների ամերիկյան միությանը հղումով:

Հաղորդվում է, որ քաղաքացիների ու ներգաղթյալների իրավունքները պաշտպանող կազմակերպությունները դաշնային դատարանից պահանջել են չեղարկել հակասահմանադրական հրամանագիրը, որը ԱՄՆ-ում օրինական բնակվող մուսուլման ներգաղթյալներին խանգարում է ստանալ քաղաքացիություն, դառնալ մշտական բնակիչ կամ ձեռք բերել փախստականի կարգավիճակ:

Թրամփի հրամանագրի համաձայն` 90 օրով արգելվում է Իրանի, Սիրիայի, Սոմալիի, Իրաքի, Եմենի, Լիբիայի, և Սուդանի քաղաքացիների մուտքն ԱՄՆ: