Լապշինի մայրը նամակով դիմել է Ալիևին

Արցախ այցելության համար  Բելառուսում ձերբակալված ռուս բլոգեր Ալեքսանդր Լապշինի մայրը դիմել է Ադրբեջանի նախագահ Իլհամ Ալիևին՝ խնդրելով ներում շնորհել որդուն: Ադրբեջանական ԶԼՄ-ներից տեղեկանում ենք, որ Լապշինի մայրը դիմել է Իսրայելի մարդու իրավունքների պաշտպանին` խնդրելով Ալիևին փոխանցել իր հորդորը` որդուն ներել և չարտահանձնել Ադրբեջանին: Լապշինի մայրը նամակում գրում է, որ տղայի գործողությունները դիտավորյալ բնույթ չեն կրել:

Հիշեցնենք, որ Բելառուսի Հանրապետության գլխավոր դատախազի տեղակալը երեկ որոշում է կայացրել բավարարել Ադրբեջանի գլխավոր դատախազության խնդրանքը՝ Ռուսաստանի Դաշնության և Իսրայելի Պետության քաղաքացի Ալեքսանդր Լապշինին հանձնելու վերաբերյալ՝ Ադրբեջանի քրեական օրենսգրքի 281.2 և 318.2 հոդվածներով քրեական պատասխանատվության ենթարկելու համար։