Ռուսաստանը եւ Սիրիան Տարտուսի բազան 49 տարով ընդլայնելու համաձայնագիր են ստորագրել

Ռուսական եւ սիրիական կողմերը համաձայնագիր են ստորագրել 49 տարով Տարտուսում ռազմածովային նավատորմի նյութատեխնիկական ապահովման կետի տարածքի ընդլայնման մասին:

Սիրիական կողմը նյութատեխնիկական ապահովման կետի տեղակայման համար ռուսական կողմին ներկա համաձայնագրի գործողության ամբողջ ժամանակահատվածում անհատույց օգտագործման համար տարածք է փոխանցում:

Նշվում է, որ համաձայնագիրը գործելու է 49 տարի եւ «ավտոմատ երկարաձգվում է հետագա 25-ամյա շրջաններում», եթե կողմերից ոչ մեկը առնվազն մեկ տարվա ընթացքում մինչեւ հերթական ժամանակահատվածի լրանալը դիվանագիտական խողովակներով գրավոր չի տեղեկացնում համաձայնագրի գործողությունը դադարեցնելու իր մտադրության մասին:

Ռուսաստանի ռազմական նավերի առավելագույն քանակը, որոնց թույլատրված է միաժամանակ գտնվել նյութատեխնիկական ապահովման կետում, 11 միավոր է՝ ներառյալ միջուկային էներգետիկ սարքավորմամբ ռազմական նավերը: