Հերթական ծեծկռտուքը՝ Թուրքիայի մեջլիսում. կին պատգամավորի ձեռքի պրոթեզը դուրս է ընկել

Թուրքիայի մեջլիսում հերթական ծեծկռտուքն է տեղի ունեցել:

Ըստ Demokrathaber-ի՝ սահմանադրական փոփոխությունների վերաբերյալ լսումների ժամանակ անկախ կին պատգամավոր Այլին Նազլըաքան ձեռնաշղթաներով ինքն իրեն շղթայել է ամբիոնին:

Ինքնատիպ «ակցիան» դադարեցնելու կոչն անտեսելու պատճառով մեջլիսում վեճ է ծագել, ինչին, ըստ սովորության, հաջորդել է ծեծկռտուքը: Միջադեպի ընթացքում տուժել են պատգամավորներ: Քրդամետ Ժողովուրդների դեմոկրատական կուսակցության կին պատգամավոր Փերվին Բուլդանը վայր է ընկել, դուրս  է ընկել ընդդիմադիր կին պատգամավոր Շաֆաք Փավեյի պրոթեզը: Բուլդանը տեղափոխվել է հիվանդանոց: Հոսպիտալացվել է նաև իշխող «Արդարություն և զարգացում» կուսակցության պատգամավորներից մեկը՝ վզի և մեջքի հատվածում ստացած հարվածի պատճառով: