ԱՄՆ-ի և ԵՄ մի մասի քաղաքականությունը նպաստել է մերձավորարևելյան տարածաշրջանի քայքայմանը.Չեխիայի նախկին նախագահ

Չեխիայի նախկին նախագահ Վացլավ Կլաուսը TV Prima հեռուստաալիքի եթերում հայտարարել է, թե միգրացիոն ճգնաժամի պատճառը ոչ թե «Իսլամական պետություն» ահաբեկչական խմբավորման գրոհայիններն են, այլ եվրոպական էլիտաները և կեղծ էլիտաները:

«Պետք է հստակ ընդունել, որ զանգվածային միգրացիան դեպի Եվրոպա ոչ թե ԻՊ գործունեության կամ Մերձավոր Արևելքում տիրող քաոսի, այլ եվրոպական էլիտաների և կեղծ էլիտաների քաղաքականության արդյունքն է: ԱՄՆ-ի և Եվրոպական Միության մի մասի քաղաքականությունը նպաստել է մերձավորարևելյան տարածաշրջանի քայքայմանը»,- ասել է Կլաուսը:

Նախկին նախագահի համոզմամբ` կասկած չկա, որ միգրացիան Եվրոպայում իրականացվող ահաբեկչական հարձակումների աղբյուրն է: «Եթե Եվրոպան վերջիվերջո խելք չհավաքի և անհրաժեշտ ու արդյունավետ փոփոխություններ չիրականացնի, մեր վիճակը վատ կլինի», - հավելել է Կլաուսը: