Սիրիական բանակն ազատագրել է Հալեպի հարավարևելյան շրջանները

Սիրիական բանակը երեկ ամբողջությամբ իր ղեկավարության տակ է վերցրել Հալեպի հարավարևելյան շրջանում գտնվող Շեյխ Սաիտի տարածքը:

«Գանձասար»-ը, վկայակոչելով սիրիական «Սանա» լրատվական գործակալությունը, տեղեկացնում է, որ սիրիական բանակը, ազատագրելով այդ շրջանները, ապահովել է այնտեղ բնակվող մոտ 90.000  բնակչության անվտանգությունը։

Կայքը տեղեկացնում է, որ մինչ այսօր այդ շրջանները լքել է 18.000 մարդ:

Այժմ Հալեպի առողջապահական տնօրինությունն իր բոլոր հնարավորություններն ի սպաս է դնում այդ շրջանները լքող բնակիչների առողջապահական կարիքները բարելավելուն:

Հալեպի նահանգապետը տեղական ինքնակառավարման մարմինների հետ  գործակցությամբ աշխատանքներ է տանում նաև  Հալեպի արդյունաբերական՝ Լերամոն, Շեյխ Նաճճար և Արքուպ շրջանները վերաաշխուժացնելու ուղղությամբ: