Թուրքիայի փոխվարչապետի անտարբեր հայտարարությունը՝ ընդդիմադիր թերթի աշխատակիցների ձերբակալության մասին

Թուրքիայի փոխվարչապետ Նուման Քուրթուլմուշը երկրի նախագահ Ռեջեփ Թայիփ Էրդողանի գլխավորությամբ կայացած` նախարարների նիստի ընթացքում անդրադարձել է ընդդիմադիր Cumhuriyet թերթի դեմ երեկ տեղի ունեցած գործողություններին և թերթի աշխատակիցների ձերբակալություններին:

Ըստ Demokrathaber-ի՝ Քուրթուլմուշը պնդել է, որ գործողություններնը ուղղված չեն եղել թերթի աշխատակիցների դեմ, այլ թերթը բացած իրավաբանական անձանց:

«Այս գործողությունները սկսվել են դեռևս օգոստոս ամսին, սակայն  երեկ հետախուզության, առգրավման և ձերբակալությունների որոշում է կայացվել համապատասխան անձանց նկատմամբ: Դատական գործն ընթացքի մեջ է: Մենք՝ որպես քաղաքական անձինք, անհնար է, որ այս մասին որևէ բան ասենք»,- հայտարարել է նա: