Գյումրիում դանակահարել են ռուսական 102-րդ ռազմաբազայի զինծառայողի

Այս գիշեր դանակահարության դեպք է գրանցվել Գյումրիում: Առավոտյան ժամը 07:30-ի սահմաններում ոստիկանություն ահազանգ է ստացվել, որ դանակահարել են ռուսական 102-րդ ռազմաբազայի պայմանագրային զինծառայող` 1992 թվականին ծնված Ալեքսանդր Ռ.-ին: Այս տեղեկությունը Yerkir.am-ի հետ զրույցում հաստատեցին ոստիկանությունից:

Տուժած քաղաքացին ոստիկաններին հայտնել է, որ վնասվածքը ստացել է Գյումրու Շիրակացու փողոց-Մարմարաշեն խճուղի խաչմերուկում մի քանի անհայտ անձանց հետ վիճաբանության ընթացքում: Տուժածն այս պահին գտնվում է Գյումրու բժշկական կենտրոնում: Մեր տեղեկություններով՝ նա ինքնուրույն է հասել հիվանդանոց:

Դեպքի կապակցությամբ ոստիկանությունում նախապատրաստված նյութերն ուղարկվել է ՀՀ քննչական կոմիտե: