Թուրքիայում դատարանների և բանտերի 162 աշխատակցի նկատմամբ ձերբակալման որոշում է կայացվել

Թուրքիայում ռազմական հեղաշրջման գործի շրջանակներում Չաղլայանում Ստամբուլի և Գազիօսմանփաշայի դատարանների աշխատակիցների նկատմամբ ձերբակալման որոշում է կայացվել:

Ըստ Demokrathaber-ի՝ ոստիկանական ուժերը ստուգումներ են անցկացրել դատարաններում, և արդյունքում` 87 աշխատակցի ձերբակալման որոշում է կայացվել:

Ստուգումներ են եղել նաև մի շարք բանտերում: Ձերբակալման ենթակա անձանց թվում կան նաև բանտերի աշխատակիցներ:

Ռազմական հեղաշրջման փորձն իրականացնելու մեջ Թուրքիայի իշխանությունների կողմից մեղադրվող Ֆեթուլլահ Գյուլենին աջակցելու մեղադրանքով ձերբակալվելու ենթակա՝ դատարանների և բանտերի աշխատակիցների թիվը կազմում է 162: