Թուրքիայի խորհրդարանի հայ պատգամավորը կմեկնի ԱՄՆ՝ հանդիպելու հայ համայնքի հետ

Թուրքիայում քրդամետ Ժողովուրդների դեմոկրատական կուսակցության` ազգությամբ հայ պատգամավոր Կարո Փայլանը կայցելի ԱՄՆ Կալիֆորնիա նահանգի հայ համայնքին:

Ըստ Asbarez-ի՝ սեպտեմբերի 24-26-ը կայանալիք այցի շրջանակներում Փայլանը պատրաստվում է մասնակցել մի շարք միջոցառումների, մասնավորապես` գիտաժողովի, հայ համայնքի հետ ընթրիքի, հայկական եկեղեցում պատարագի, նաև Asbarez պարբերականի կազմակերպած հանդիպմանը:

ԱՄՆ այցի շրջանակներում Փայլանը կայցելի նաև Մոնթեբելոյում Հայոց ցեղասպանության անմեղ զոհերի հուշահամալիր և ծաղկեպսակ կտեղադրի նրանց հիշատակին:

Ի դեպ, Ամերիկայի հայ համայնքը ակտիվ մասնակցություն կունենա բոլոր միջոցառումներին:

ԱՄՆ-ում Փայլանի օրակարգը՝ այստեղ: