Եթե կան դժգոհություններ՝ պատրաստ եմ արձագանքել. վարչապետ

Այսօր լրագրողները վարչապետ Հովիկ Աբրահամյանի հետ զրույցում նկատեցին, որ ՊԵԿ նոր նախագահի նշանակումից հետո ոլորտում դժգոհություններ են սկսվել, ինչին ի պատասխան վարչապետն արձագանքեց. «Եթե կան դժգոհություններ` ես պատրաստ եմ արձագանքել ու խնդիրներին լուծում տալ»:

Ինչ վերաբերում է Հայաստանի տարածքով իրանական գազի անցկացման հնարավորությանը, նա կարծիք հայտնեց, որ ամեն ինչ էլ հնարավոր է, եթե համընկնեն պետությունների տնտեսական շահերը: Վարչապետի խոսքով՝ այդ հարցը շուտ լուծվող հարցերից չէ, և Իրան կատարելիք իր այցի ընթացքում, որտեղ պետք է մասնակցի միջկառավարական նիստին, այդ հարցը փորձելու են քննարկման առարկա դարձնել: