Նախագահը բանակցելու է գազի սակագինը չփոփոխելու, ոչ թե նվազեցնելու համար

Կառավարության նիստից հետո լրագրողները ԱԳ փոխնախարար Շավարշ Քոչարյանից հետաքրքրվեցին, թե ինչո՞ւ ՀՀ նախագահը որոշեց աշխատանքային այց կատարել Մոսկվա:

Շավարշ Քոչարյանը նախ նշեց, որ ցանկացած նմանատիպ հանդիպում միշտ էլ որոշակի արդյունքների է բերում: «Կարծում եմ` այս հանդիպման ժամանակ էլ նախատեսվում են բանակցություններ` գազի սակագնի հետ կապված, որպեսզի պահպանվի գինը, մինչև շարունակվեն բանակցությունները»,- ասաց նա՝ հավելելով, որ նախագիծն արդեն պատրաստ է, այն  համաձայնեցված է, ենթադրվում է, որ պետք է ստորագրվի:

Շավարշ Քոչարյանի կարծիքով՝ գազի սակագնի նվազեցման հարցն այլ բանակցությունների հարց է, այս բանակցությունները գազի սակագինը պահպանելու համար են: «Ժամանակավոր կնքվել է այս պայմանագիրը` մինչև ժամանակ լինի` առավել արտոնյալ պայմանների շուրջ բանակցություններ սկսել»,- ասաց նա: