Պոլսում ահաբեկչություն իրականացնողը ծագումով հայ է. Թուրքիան հերթական սուտն է մոգոնում

Կ.Պոլսում իրականացված ահաբեկչությունից հետո Թուրքիան հակահայկական հերթական քարոզչությունն է իրականացնում:

Ըստ Haberturk-ի՝ Պոլսի Սուլթանահմեդ հրապարակում ահաբեկչություն իրականացրած անձի մայրն իբր ծնվել է Սիրիայի հայկական գյուղում և ծագումով հայ է:  

Կայքը մանրամասներ է ներկայացրել նաև մահապարտ Նաբիլ Ֆադլըի մասին, համաձայն որոնց` Սաուդյան Արաբիայում 1988-ին ծնված Նաբիլի հոր անունը Աբդուլլաթիֆ է, իսկ մայրը՝ Բրիջիթը, ծնվել է Սիրիայի հայկական գյուղում:

Դարձյալ կայքի պնդմամբ՝ Նաբիլը հունվարի 5-ին փախստականի կարգավիճակով Թուրքիայից ապաստան է խնդրել:

Նշենք, որ պայթյունից հետո Թուրքիայի նախագահ Էրդողանը հայտարարել էր, որ մահապարտը ԻՊ` ծագումով սիրիացի անդամ է, դա կրկնել էր նաև վարչապետ Դավութօղլուն: