Ամանորը` Ծաղկաձորում. 1 մլն դրամի շեմն էլ հատվեց

Մեր երկրում, հակառակ սոցիալական դժվարությունների խորացմանը, երբեմն արձանագրվում են անտրամաբանական ճոխություններ, հատկապես` Ամանորին ընդառաջ: Դեկտեմբերի սկզբներին արդեն Ծաղկաձորում գտնվող շքեղ հյուրանոցներում բոլոր տեղերը զբաղեցված են եղել տոնական օրերի համար: Գնացուցակով, օրինակ` 2 անձի համար 3 տոնական օր նշելու գինը սկսվել է 690 հազար դրամից` օրական երեք անգամ սնունդով և ամենօրյա համերգային ծրագրով: Մեծահարուստներից մեկին պատկանող ծաղկաձորյան հյուրանոցում մեկ կիսալյուքս համարը 6 օրվա համար արժեր 1 միլիոն 300 հազար դրամ: Այսինքն` հաշվարկների համաձայն` Ծաղկաձորում ամանորյա տոնական մեկ օր անցկացնելն արժեցել է 220-ից 230 հազար դրամ: Ստացվում է, որ միջին վիճակագրական քաղաքացու երկու ամսվա աշխատավարձը ոմանք կարող են ծախսել մեկ օրում: