Դատական համակարգում կան խնդիրներ, դա մենք չենք թաքցնում. Վահրամ Բաղդասարյան

Դատական համակարգը բոլոր ժամանակներում գործում է, բայց այնտեղ կան խնդիրներ ու դժգոհություն, և դա չենք թաքցնում. այսօր խորհրդարանում լրագրողներին ասաց ՀՀԿ խմբակցության ղեկավար Վահրամ Բաղդասարյանը` անդրադառնալով համացանցում տարածում գտած այն տեսանյութին, որում հանրապետության նախագահ Սերժ Սարգսյանն ասում է, որ մեր դատական համակարգում խնդիրներ կան:

«Մենք աշխատում ենք դատական համակարգը հնարավորինս անկախացնել: Մենք ձգտում ենք, որ այս Սահմանադրությամբ հնարավորինս նվազեն այդ դժգոհությունները»,- ասաց պատգամավորը և հավելեց, որ ՀՀ նախագահն ասել է` պայմաններ են ստեղծվում, որ դատական համակարգն ավելի ազատականացվի: