ԱՄՆ-ը կօգնի Թուրքիային` վերահսկել Սիրիայի հետ սահմանը

ԱՄՆ-ի պետքարտուղար Ջոն Քերին հայտարարել է, որ ԱՄՆ-ն Թուրքիայի հետ պայմանավորվածություն է ձեռք բերել` թուրք-սիրիական սահմանի անվտանգության ապահովմանն ուղղված համատեղ գործողություն սկսել, հայտնում է BBC-ն:

 Քերին CNN-ին տված հարցազրույցում ասել  է, որ Սիրիայի հյուսիսային սահմանի 75 տոկոսը փակված է եւ թուրք-ամերիկյան ռազմական գործողությունների նպատակը  բաց մնացած 98 կմը փակելն է:

Քերիի խոսքով, այդ կերպ նրանք ցանկանում են փակել այն կամավորների ճանապարհը, ովքեր փորձում են միանալ ԻՊ-ին, հիմնականում Թուրքիայի տարածքով:
Նշենք, որ ՆԱՏՕ-ի անդամներ ԱՄՆ-ն և Թուրքիան «Իսլամական պետության» դեմ հակաահաբեկչական դաշինքի անդամներ են: