Թուրքիայում խորհրդարանական ընտրություններ են

Թուքրիայում մեկնարկել են արտահերթ խորհրդարանականա ընտրությունները: Ինչպես տեղեկացնում է Associated Press-ը, ողջ երկրում բացվել են 175 հազար ընտրատեղամասեր: Ընտրական իրավունք ունի 54 մլն մարդ:

Արդյունքներով պարզ կդառնա` կկարողանա ի վերջո իշխող «Արդարություն եւ զարգացում» կուսակցությունը խորհրդարանում մեծամասնություն լինել` ինչպես վերջին 13 տարում:

Բացի իշխող կուսակցությունից ընտրություններին մասնակցում են նաեւ  ընդդիմադիր Ժողովրդա-հանրապետական կուսակցությանը եւ  քրդամետ Ժողովուրդների դեմոկրատական կուսակցությանը:

Թուրքիայում խորհրդարանական ընտրություն էին անցկացվել նաեւ հունիսի 7-ին, որի արդյունքում  4 կուսակցություններ անցել էին խորհրդարան, այդ թվում` քրդամետ «Ժողովուրդների դեմոկրատիա» կուսակցությունը:

Իշխող «Արդարություն և զարգացում» կուսակցությունը չէր  ստացել  մեծամասնություն եււ միայնակ կառավարություն ձևավորելու հնարավորություն: Իսկ կոալիցիոն կառավարություն ստեղծելու փորձերը ձախողվել էին: