Ադրբեջանը խնդրել է Շվեյցարիային` ձերբակալել շվեյցարահայ գործարարի

Ադրբեջանի գլխավոր դատախազությունը դիմել է Շվեյցարիայի գլխավոր դատախազությանը` պահանջելով դատական հետապնդում սկսել շվեյցարահայ գործարար, Franck Muller Group ընկերության համահիմնադիր ու գլխավոր գործադիր նախագահ Վարդան Սիրմակեսի նկատմամբ. հայտնում է haqqin.az-ը:

Իսկ ադրբեջանական հիմնավորումները հետևյալն են` Սիրմակեսն «ապօրինի» բիզնեսով է զբաղվում  Ադրբեջանի «օկուպացված տարածքներում», միջազգային մակարդակով քարոզում է Լեռնային Ղարաբաղի «ապօրինի» ռեժիմը, մասնակցել է «օկուպացված» Զանգելան շրջանի Վեժնելի գյուղում ոսկու հանքի բացման պաշտոնական արարողությանը և ցուցադրել իր քայլերով, որ Ղարաբաղը Ադրբեջանին չի պատկանում: