«Նաիրիտ»-ի վերագործարկման 3-4 ծրագիր կա

«Նաիրիտ»-ի համար ներդրող գտնելու դեպքում 18 ամիս հետո հնարավոր կլինի վերագործարկել գործարանը. այսօր լրագրողներին հայտնեց գործարանի արհմիության նախագահ Հրաչ Թադևոսյանը: Ըստ նրա` «Նաիրիտի» վերագործարկման 3-4 ծրագիր կա:

Դիտարկմանը, թե, Համաշխարհային բանկի անցկացրած աուդիտի համաձայն, գործարանի վերագործարկումը շահավետ չէ, Թադևոսյանը պատասխանեց, որ դեռևս 1990-ականներից Համաշխարհային բանկը նույն կարծիքին է եղել, սակայն գործարանն իր արտադրանքը իրացնելու խնդիր երբևէ չի ունեցել:

«Նաիրիտը» պետք է դիտարկել որպես Հայաստանի բրենդ, քանի որ այն ունիկալ ձեռնարկություն է, և դրա վերագործարկումը կարևոր է»,- ասաց նա և հավելեց, որ գործարանի վերագործարկման համար ընդամենը քաղաքական կամք և որոշում է պետք: