Լուկաշենկոն ԱՊՀ-ին կոչ է արել լուծել ԼՂ հակամարտությունը

Բելառուսի նախագահ Ալեքսանդր Լուկաշենկոն  կոչ է արել ԱՊՀ երկրներին` անցնել հետխորհրդային տարածությունում կարևոր խնդիրների լուծմանը: Այդ մասին նա հայտարարել է Աստանայում անցկացվող ԱՊՀ անդամ երկրների ղեկավարների խորհրդի նիստում. հայտնում է Белта-ն:

Լուկաշենկոյի խոսքերով` ԱՊՀ-ի հեղինակությունն ու պահանջարկը կաճեն այն ժամանակ, երբ այն լուծի կարևոր  հարցեր: Նախագահը, որպես օրինակ, բերել է ԼՂ-ում, Ուկրաինայում և ՄԵրձդնեստրում հակամարտությունները:

«Մենք ինչ-որ` նույնիսկ ամոթալի կերպով խուսափում ենք այդ հարցերից: Մենք ասես սովոր լինենք, որ ամերիկացիները, ԵՄ-ն, ևս ինչ-որ մեկը կգա ու կասի մեզ` ինչպես լուծել այդ հարցը կամ կլուծի մեր փոխարեն»,- նշել է Բելառուսի նախագահը: