Եթե առանց Թուրքիայի հնարավոր չէ ահաբեկչության դեմ պայքար, ինչո՞ւ մեզ չեն ընդունում ԵՄ. Էրդողան

Եթե առանց Թուրքիայի հնարավոր չէ ԻՊ-ի դեմ պայքար, ինչո՞ւ մեզ չեն ընդունում ԵՄ. նման հայտարարությամբ է հանդես եկել Թուրքիայի նախագահ Ռեջեփ Թայիփ Էրդողանը՝ G20 շրջանակներում կազմակերպված W20 գագաթաժողովում:

Ըստ T24-ի՝ Էրդողանը ելույթի ընթացքում անդրադարձել է ահաբեկչական խմբավորումների զինամթերքին՝ ասելով. «Անընդունելի է ահաբեկչական խմբավորումների միջև տարբերություն դնելը: Նրանց դեմ պայքարում Թուրքիային աջակցելու փոխարեն ահաբեկիչներին աջակցողները թող չմոռանան, որ աշխարհին մղում են դեպի արհավիրքներ: Եթե առանց Թուրքիայի հնարավոր չէ ահաբեկչության դեմ պայքար, ինչո՞ւ մեզ չեն ընդունում ԵՄ: Նրանք այդ մասին ոչինչ չեն ասում, անկեղծ չեն»: