85-ամյա պապն այգում ծխելիս է եղել, երբ վիրավորվել է հակառակորդի կրակոցից

Տեղեկացրել էինք, որ երեկ հակառակորդի կրակահերթի պատճառով ունեցել ենք վիրավորներ` խաղաղ բնակիչներ:

Տավուշի մարզի Այգեհովիտ գյուղում նույնպես երկու վիրավոր ենք ունեցել: Նրանց տեղափոխել են Իջևանի բժշկական կենտրոն: Վիրավորներն են` 1930 թ. ծնված Գուրգեն Սիմոնյանը և 1970-ին ծնված Նունե Շահնազարյանը:

Yerkir.am-ի թղթակիցն այս պահին Իջևանի բժշկական կենտրոնում է: Կենտրոնի տնօրեն Նարեկ Վանեսյանը հայտնեց, որ երկուսն էլ ստացել են բեկորային վնասվածքներ: «Գուրգեն Սիմոնյանը ստացել է վնասվածք պարանոցի շրջանում, իսկ Նունե Շահնազարյանը` ազդրի: Բեկորները հեռացվել են, հիվանդները դուրս են գրվել հիվանդանոցից»,- ասաց նա:

Yerkir.am-ի տեղեկություններով` 85-ամյա Գուրգեն Սիմոնյանն, այգում նստած, ծխելիս է եղել, երբ վիրավորվել է: