Վալերի Օսիպյանը հերքում է, որ ազատամարտիկին ծեծել են ոստիկանները

Արդեն նշել ենք, որ դեպի ՀՀԿ-ի գրասենյակ «ինքնիշխանության երթ»ից հետո ծեծի է ենթարկվել երթի մասնակից, ազատամարտիկ Սմբատ Հակոբյանը, որին շտապօգնության մեքենայով տեղափոխել են հիվանդանոց:

Ներկա պահին ոստիկաններ են հավաքվել այն վայրում, որտեղ ծեծել են Սմբատ Հակոբյանը: Նույն վայրում են նաև երթի մասնակիցները:

Երևանի փոխոստիկանապես Վալերի Օսիպյանը լրագրողների հետ զրույցում նշեց, որ այս պահին ոչինչ չեն կարող ասել դեպքի մասին, որովհետև դեռեւս ականատեսներին են հարցաքննում:

Լրագրողների հարցին` իրականությանը համապատասխանո՞ւմ են այն տեղեկությունները, որ, ըստ ականատեսների, ծեծողները եղել են ոստիկանության աշխատակիցներ` մոտ 10 հոգի, Վալերի Օսիպյանը պատասխանեց. «Դուք հավատո՞ւմ եք նման բանի: Նման բան հնարավոր չէ, որ ոստիկանները գան ու ծեծեն»: