Դադարեցվել են Մալաթիայի դատավորի լիազորությունները

ՀՀ նախագահի օգոստոսի 1-ի հրամանագրով դադարեցվել են Մալաթիա-Սեբիաստիա վարչական շրջանի ընդհանուր իրավասության դատարանի դատավոր Հրաչյա Հովհաննիսյանի լիազորությունները: Նախագահի հրամանագրում նշվում է.

«Ղեկավարվելով Հայաստանի Հանրապետության Սահմանադրության 55-րդ հոդվածի 11-րդ, Հայաստանի Հանրապետության դատական օրենսգրքի 167-րդ հոդվածի 4-րդ մասի 2-րդ կետերով և հիմք ընդունելով Արդարադատության խորհրդի 2015 թվականի հուլիսի 30-ի ԱԽ-22-Ո-24 որոշմամբ ներկայացված առաջարկություն՝ որոշում եմ:

Երևան քաղաքի Մալաթիա-Սեբաստիա վարչական շրջանի ընդհանուր իրավասության առաջին ատյանի դատարանի դատավոր Հրաչյա ՀՈՎՀԱՆՆԻՍՅԱՆԻ լիազորությունները 2015 թվականի օգոստոսի 2-ից համարել դադարած»:

Նշենք, որ լրացել էր հիշյալ դատավորի 65 տարին՝ նրա պաշտոնավարման տարիքը: