Մեկ անգամ ևս հասկացա թուրք պետության մեծությունը. Արամ արքեպիսկոպոս Աթեշյան

Կ.Պոլսի հայոց պատրիարքի փոխանորդ Արամ արքեպիսկոպոս Աթեշյանն այցելել է Սուրուչ շրջանում տեղակայված` սիրիացի փախստականների վրանային ճամբարներ:

Ըստ Haberler-ի՝ ճամբարների մասին Աթեշյանի հետ զրուցել է Սուրուչի գյուղապետ Աբդուլլահ Չիֆթչին, որից հետո արքեպիսկոպոսն այցելել է Սիրիայից փախած Թոմասյանների ընտանիքին:

«Թուրքիան բոլորի համար զոհողություններ է անում և, առանց կրոնի, ռասայի և դավանանքի խտրականության, բոլորին հյուրընկալում մեկ օջախի ներքո»,- ասել է Աթեշյանը:

Այնուհետև նա այցելել է Շանլըուրֆայի քաղաքապետ Իզզեթ Քյուչուքին և հայտնել իր գոհունակությունը փախստականներին ցուցաբերած ուշադրության համար: «Մեկ անգամ ևս հասկացա թուրք պետության մեծությունը»,- նշել է Աթեշյանը: