Մենք սաղս բարեկամ ենք. Սեյրան Սարոյանը՝ քրեական հեղինակության հետ կապի մասին

Այսօր ԱԺ ՀՀԿ խմբակցության պատգամավոր, գեներալ Սեյրան Սարոյանից լրագրողները հետաքրքվեցին քրեական հեղինակություն Թևոս Սաֆարյանին բերման ենթարկելու մասին. այդ պահին քրեական հեղինակությունը եղել է Սեյրան Սարոյանի մեքենայում:

Պատգամավորը չթաքցրեց, որ Կայարանցի Թևոսիկն իր լավ բարեկամն է և ոչ միայն` ընկերը: «Մենք սաղս բարեկամ ենք: Ի՞նչ գողական, ինքն իմ ընկերն ա, Մոսկվայից հյուր ա եկել, ավտոս տվել եմ։ Հիմա ի՞նչ կապ ունի` ով ա, հո բարեկամից չե՞ս հրաժարվի՝ մեկը մինիստր ա, մեկը նախարար ա, մեկն էլ տենց ա»,- ասաց նա:

Հարցին, թե ինչպե՞ս եղավ, որ մեքենայում նաև զենք հայտնաբերեցին, Սեյրան Սարոյանը պատասխանեց. «Դա իրանը չի եղել, ինքը տենց բան չի պահում: Իր հետ էլի են մարդիկ եղել, երևի տենց բաներ սիրել են։ Հիմա արել են, կպատժվեն, մեռնեմ օրենքի զորությանը»: