Ինչո՞ւ Գյուլը որոշեց գնալ Երեւան. այս եւ այլ հարցերի պատասխաններ՝ Գյուլի մասին գրքում

Նախորդ ամիս Թուրքիայի նախկին նախագահ Աբդուլլահ Գյուլն իր 12 տարվա խորհրդական Ահմեդ Սեվերից պահանջել էր խորհրդարանական ընտրություններից առաջ չհրատարակել իր մասին գիրքը:

Ըստ Haberler-ի, երկուշաբթի օրը Սեվերի` Գյուլի մասին պատմող գիրքը հասանելի կլինի հանրությանը:

Հեղինակն այն վերնագրել է «12 տարի` Աբդուլլահ Գյուլի հետ. Ապրեցի, տեսա, գրեցի»:

208 էջանոց գրքում Գյուլի խորհրդականն առաջին անգամ պատմել է մինչ օրս չհրապարակված իրադարձությունների և դեպքերի, Գեզի այգու հարցում Գյուլի և Էրդողանի տարրակարծիք լինելու, «դեկտեմբերի 17-25-ը» գործողության (Թուրքիայում հակակոռուպցիոն գործողություն), լրագրողների ձերբակալության և նման շատ այլ խնդիրների մասին:

Կայքը թվել է բոլոր այն հարցերը, որոնց պատասխանները հեղինակը տվել է գրքում: Կայքում ներկայացված հարցերից երկուսը Հայաստանի և հայերի մասին է.

«Ո՞րն էր սիրիահայերին Թուրքիա բերելու համար պատրաստված գաղտնի ծրագիրը: Ինչպե՞ս որոշեց գնալ Հայաստանի մայրաքաղաք Երևան: Այս որոշմանը ովքե՞ր դեմ եղան:»