Բերձորում սյունեցի երիտասարդի դիակ են հայտնաբերել՝ հրազենային վնասվածքով

Հունիսի 7-ին դժբախտ դեպք է տեղի ունեցել ԼՂՀ Քաշաթաղի (Լաչին) շրջանում: Մեքենայի մեջ հայտնաբերվել է Դավիթ Բեկ գյուղի 27-ամյա բնակիչ Դավիթ Պողոսյանի դիակը:

 Yerkir.am-ի հետ զրույցում այս տեղեկությունը հաստատեցին ԼՂՀ ոստիկանությունից՝ հայտնելով, որ դեպքի առթիվ հարուցվել է քրեական գործ, կատարվում է քննություն մահվան հանգամանքները պարզելու ուղղությամբ:

Yerkir.am-ին Դավիթ Բեկի գյուղապետ Արտավազդ Հակոբյանը հայտնեց, որ երիտասարդը Բերձոր որսի էր գնացել, և հնարավոր է` զենքը մեքենայի վարման ընթացքում պատահաբար կրակել է, և Դավիթը որովայնի հատվածում մահացու վիրավորվել է:

Գյուղապետի խոսքով՝ երիտասարդն ամուսնացած չէր: Նրան կհուղարկավորեն այսօր: