Իմ փոխարեն քվեարկեք. Նիշանյանը բանտից կոչ է արել քվեարկել հօգուտ քրդամետ կուսակցության

Սեփական տարածքում «ապօրինի շենք կառուցելու» և «կնիք կեղծելու» մեղադրանքով մինչ օրս Թուրքիայի Յենիփազար փակ բանտում գտնվող մտավորական Սևան Նիշանյանը ընկերների միջոցով հայտարարություն է տարածել համացանցի իր էջերում:

Նիշանյանը կոչ է արել իրեն աջակցողներին առաջիկա խորհրդարանական ընտրություններում քվեարկել քրդամետ Ժողովուրդների դեմոկրատական կուսակցության օգտին:

«Բանտում գտնվելու ամենավատ կողմն էլ այն է, որ կիրակի չեմ կարողանա քվեարկել հօգուտ ԺԴԿ-ի: Դուք իմ փոխարեն քվեարկեք, լա՞վ»,- ասել է հայ մտավորականը:

Հիշեցնենք, որ Թուզլայի հայկական որբանոցի ոչնչացման դեմ պայքարում քրդամետ ԺԴԿ-ն մեծ աջակցություն է ցուցաբերել և շարունակում է ցուցաբերել: