ՕԵԿ-ի ակտիվության հարցը՝ պարզաբանման առարկա

ԱԺ ճեպազրույցների ժամին լրագրողները հարց ուղղեցին ՕԵԿ-ական պատգամավոր Հովհաննես Մարգարյանին, թե ինչո՞ւէ ՕԵԿ խմբակցությունն այդքան գերակտիվ նիստերի ժամանակ:

Հովհաննես Մարգարյանը նշեց, որ չի վիրավորվում հարցից, այլ ըմբռնումով է մոտենում: «Շատ համեստ հարց էր, ըմբռնումով եմ մոտենում ձեր հումորին: Հիմա կփորձեմ համադրել։ Տարիների առաջ պատգամավորներին քննադատում էին, որ ակտիվ չեն, որ այն առաքելությունը, որ պետք է իրագործեն ԱԺ-ում, չեն անում: Այս տեսանկյունից հիմա հակառակն է, քննադատում են առավել ակտիվ լինելու համար: Օգտվելով առիթից` կարող եք ուսումնասիրել ՕԵԿ-ի անցած ուղին, եւ ասեմ, որ 2012-13թթ. մենք ճանաչվել ենք ամենաակտիվ խմբակցությունը»,- ասաց պատգամավորը: