ՌԴ-ի դեմ պատժամիջոցները պետք է խստացվեն. Վրաստանի նախագահ

Վրաստանի նախագահ Գեորգի Մարգվելաշվիլին հանդես է եկել Ռուսաստանի դեմ պատժամիջոցների խստացման օգտին. հայտնում է Грузия Online-ը: Այդ մասին նա հայտարարել է իր  ավստրիացի գործընկեր Հայնց Ֆիշերի հետ  համատեղ մամուլի ասուլիսի ժամանակ:

«Երբ խոսում ենք պատժամիջոցների մասին, պետք է հիշենք` ինչի համար են դրանք սահմանվել: Միակ նպատակը Ուկրաինայում պատերազմին վերջ դնելն է: Պատժամիջոցների նպատակը Ղրիմի օկուպացման անընդունելիությունն է»,- ասել է նա: 

Վրաստանի նախագահը հավելել է, որ ՌԴ-ի հարևան պետությունները ազատ ընտրության իրավունք ունեն և չպետք է վախենան այլ պետության կողմից ռազմական գործողություններից: