Օրվա կադրը՝ Թուրքիայում. ո՞վ է ավելի մարդկային՝ շո՞ւնը, թե՞ ոստիկանը

Տեղեկացրել էինք, որ Թուրքիայում Մայիսի 1-ի տոնակատարությունները մշտապես անցնում են լարված մթնոլորտում:

Ինչպես ամեն տարի, այնպես էլ այսօր թուրք ոստիկաններն անցել են ձերբակալությունների:

AA լրատվական գործակալությունը ձերբակալությունների ընթացքում լուսանկար է արել, որոնցից մեկը դարձել է օրվա կադրը:

Շենքի հետևում թաքնվելուց հետո մի շարք ցուցարարներ փորձել են գործողություն իրականացնել Թաքսիմի հրապարակում, սակայն հանդիպել են ոստիկանների դիմադրությանը: Ոստիկանները ցուցարարներից մեկին պառկեցրել են գետնին և փորձել ձեռնաշղթաներ հագցնել: Այդ ժամանակ ցուցարարին է մոտեցել փողոցային մի շուն ու կարծես պաշտպան կանգնել նրան: Ոստիկանը, սակայն, ոտքով հարվածել է շանն ու քշել նրան: