ՀՊՃՀ-ում հեռացումները շարունակվում են

ՀՊՃՀ-ում իրավիճակը կարծես թե հանդարտվել է: Տեղեկացրել էինք, որ բուհում տեղի ունեցած վերջին իրադարձությունը բուհի տեղեկատվական և հեռահաղորդակցական տեխնոլոգիաների վարչության ղեկավար Վահե Կիրակոսյանին, ինչպես ինքն էր նշում, ստիպելն էր, որ ոստիկանությունում հաղորդում տա, թե Վլադիմիր Խոեցյանն /ով բուհի  ՏՀՏ վարչության նախկին պետն էր/ է Թոքմաջյանի «գլխին սարքել»:

Yerkir.am-ի հետ զրույցում Վլադիմիր Խոեցյանը նշեց, որ բուհի տեղեկատվական և հեռահաղորդակցական տեխնոլոգիաների վարչությունն ամբողջովին «թարմացվել» է` նախկին աշխատակիցներն ազատվել են աշխատանքից:

Նշենք, նաև, որ առաջիկայում նախատեսվում է, որ աշխատանքից կազատվի նաև Վահե Կիրակոսյանը, ով նույնպես yerkir.am-ի հետ զրույցում հաստատեց այդ լուրը: