Ադրբեջանում 3 ակտիվիստ ճաղերի հետևում մնաց

Բաքվի վերաքննիչ դատարանը մերժել է Ընտրությունների մոնիթորինգի և ժողովրդավարություն ուսուցման կենտրոնի տնօրեն Անար Մամեդլիի և ևս երկու ակտիվիստի՝ Բաշիր Սուլեյմանլիի և Էլնուրա Մամեդովայի բողոքարկումը՝ նրանց բոլորին թողնելով ճաղերի հետևում. հայտնում է ադրբեջանական contact.az-ը:

Վերաքննիչ բողոքի քննմանը ներկա են եղել ԵՄ-ի առաքելության, ինչպես նաև Գերմանիայի, Ֆրանսիայի, Մեծ Բրիտանիայի, Բելգիայի և Նիդերլանդների դեսպանատների ներկայացուցիչներ։

Ըստ փաստաբան Ալիբաբա Ռզաևի՝ ներկայացված մեղադրանքի հինգ հոդվածներով ամբաստանյալներից ոչ մեկի մեղքը չի ապացուցվել: Ըստ նրա՝ շատ փաստեր վկայում են, որ այս դատական գործընթացը կրում է քաղաքական բնույթ։

Փաստաբանը կարծում է, որ քրեական հետապնդման պատճառ են դարձել 2013-ի ընտրությունների մոնիթորինգը և դրա արդյունքների վերաբերյալ եզրակացությունը: