Մարկոսը դարձել է գոլի հեղինակ. «Ակտոբե»-ն` Ղազախստանի փոխչեմպիոն

Ղազախստանի առաջնության վերջին՝ 32-րդ տուրում «Ակտոբե»-ն հյուրընկալվելիս 3:1 հաշվով հաղթել է «Օրդաբասի»-ին: Հյուրերի կազմում 60-րդ րոպեին հաշիվը բացել է Հայաստանի ազգային հավաքականի հարձակվող Մարկոս Պիզելին, իսկ նրա փոխանցումից հետո հաշիվը դարձել է 3:0: Հայաստանի հավաքականի պաշտպան Ռոբերտ Արզումանյանը որոկազրկման պատճառով չմասնակցեց հանդիպմանը:  Այպիսով, «Ակտոբե»-ն հռչակվեց երկրի փոխչեմպիոն:

Զուգահեռաբար ընթացող խաղում «Կայրաթ»-ը, որտեղ հանդես է գալիս Հայաստանի ազգային հավաքականի կիսապաշտպան Արթուր Եդիգարյանը,  սեփական հարկի տակ 2:3 հաշվով պարտվել է «Աստանա»-ին: Վերջինս նվաճեց չեմպիոնի տիտղոսը:  «Կայրաթ»-ը դարձավ բրոնզե մեդալակիր: