Լեյլա Յունուսի կալանքի ժամկետը երկարաձգվել է ևս 4 ամսով

Այսօր Ադրբեջանի Նասիմինի շրջանային դատարանում  քննվել է իրավապաշտպան Լեյլա Յունուսի կալանքի ժամկետը երկարաձգելու մասին` գլխավոր դատախազության դիմումը. հայտնում է Turan-ը:

Դատարանը  Լեյլա Յունուսի կալանքի ժամկետը ևս 4 ամսով՝ մինչև 2015-ի փետրվարի 28-ը երկարաձգելու մասին որոշում է կայացրել:

Փաստաբան Էլչին Ղամբարովի խոսքով՝  կալանքի ժամկետի երկարաձգումը բացատրվել է համապատասխան քննչական գործողությունների անցկացման անհրաժեշտությամբ: Պաշտպանությունը, իր հերթին,  միջնորդություն է ներկայացրել` խափանման միջոցը տնային կալանքի փոխարինելու համար: Փաստաբանի խոսքով՝ Լեյլա Յունուսը նախկինի պես լուրջ խնդիրներ ունի առողջության հետ:

Խափանման միջոցը տնային կալանքով փոխարինելու միջնորդությունը կքննվի այսօր՝ օրվա երկրորդ կեսին: