Ծեծկռտուք՝ Սերբիա-Ալբանիա խաղի ընթացքում. հանդիպումը դադարեցվել է

ԵՎՐՈ-2016-ի ընտրական փուլի I խմբում, որում ընդգրկված է նաև Հայաստանի հավաքականը,  երեկ Սերբիան սեփական հարկի տակ ընդունել է Ալբանիային:

Հայտնի է, որ այս երկու երկրները թշնամական հարաբերություններ ունեն Կոսովոյի պատերազմից և անկախացումից հետո, որը պատմականորեն համարվում է սերբերի տարածքը:

Եվ ահա քաղաքական կրքերը բռնկվեցին նաև ֆուտբոլային խաղադաշտում: Առաջին խաղակեսի վերջնամասում մարզադաշտում հայտնվել է թռչող սարք, որից կախված են եղել Ալբանիայի և Կոսովոյի դրոշները: Սերբ ֆուտբոլիստները փորձել են վերցնել այն, ինչից հետո սկսվել է բախում երկու թիմերի ֆուտբոլիստների միջև, ապա` անկարգություններ են թույլ տվել նաև Սերբիայի հավաքականի երկրպագուները: