Դպրոցներում Լիսկայի լուսանկարներն են փակցնում. ՉԻ

«Չորրորդ իշխանություն» -ը գրում է. «Սյունիքի մարզում, մեղմ ասած, խայտառակ բարքեր են տիրում: Սյունիքի գյուղերի դպրոցներում սկսել են փակցնել մարզպետի՝ Լիսկա մականունով հայտնի Սուրիկ Խաչատրյանի լուսանկարը:

Սրանով տեղի իշխանությունները Սյունիքի մարզի երեխաների համար նոր իդեալ են կերտում՝ ի դեմս նախկինում տարբեր հանցանքների համար երեք անգամ դատապարտված Լիսկայի: Երեկ համացանցում տարածվել էր Գեղի գյուղի դպրոցից լուսանկար, որտեղ երևում էր դպրոցի միջանցքում փակցված Լիսկայի լուսանկարը:

«ՉԻ» հետ զրույցում Գեղիի գյուղապետ Վասիլ Գրիգորյանը հայտարարեց, թե լուսանկարը փակցված է մարզպետի անկյունում:

«Իմ սենյակում էլ մարզպետի նկարը կա»,- հպարտացավ գյուղապետը: Իսկ հարցին, թե որոշել եք երեխաներին դաստիարակել երեք անգամ դատապարտվածի օրինակով, գյուղապետը պատասխանեց. «Ոչ, Սուրիկ Խաչատրյանն ամենալավ մարզպետն է, որ մենք ունեցել ենք: Որ ինքը չկար, մենք անտերության մեջ էինք»:

Մանրամասն՝ թերթի այսօրվա համարում: