Ներքառյակային եւ մերձքառյակային հարցերին Փաշինյանը չի պատասխանում

Այսօր Հայաստան-Սփյուռք 5-րդ համաժողովի մասնակից` ԱԺ պատգամավոր Նիկոլ Փաշինյանը Yerkir.am-ի  բազմաթիվ հարցերին, որոնք վերաբերում էին քառյակին, խուսափում էր հստակ պատասխանել` ասելով, որ այդ թեմայի կապակցությամբ որևէ նոր մեկնաբանություն չունի, ուստի ուժի մեջ են մնում իր նախկին մեկնաբանությունները:

«Անկեղծ ասած` ներքառյակային ու մերձքառյակային հարաբերությունները մեկնաբանելու ցանկություն չունեմ»,- ասաց Նիկոլ Փաշինյանը:

Yerkir.am-ի հարցին` մասնակցելո՞ւ է, արդյոք, առաջիկա հանրահավաքին, պատասխանեց, որ եթե նման որոշում կայացվի, ուրեմն այն պետք է կայացվի «Քաղաքացիական պայմանագիր» միավորման շրջանակներում:

«Դեռևս չենք քննարկել այդ հարցը, դեռ ժամանակ կա, կարող ա պարզվի, որ քննարկելու անհրաժեշտություն էլ չկա»,- ասաց նա: