Երկրաշարժ` Վրաստան-Հայաստան սահմանային գոտում

ՀՀ ԱԻՆ սեյսմիկ պաշտպանության ազգային ծառայությունը տեղեկացնում է, որ այսօր` տեղական ժամանակով ժամը 02.11-ին, Վրաստան-Հայաստան սահմանային գոտում՝ Աշոցք գյուղից 17 կմ հյուսիս-արևելք, տեղի է ունեցել 3.1 մագնիտուդով երկրաշարժ, որի ուժգնությունը էպիկենտրոնային գոտում կազմել է 4 բալ:

Էպիկենտրոնի աշխարհագրական կոորդինատներն են՝ հյուսիսային լայնության 41.200 և արևելյան երկայնության 43.920: Երկրաշարժի հիպոկենտրոնը գտնվում է 7 կմ խորության վրա: Երկրաշարժը զգացվել է Բավրայում 3 բալ ուժգնությամբ:

Կապ է հաստատվել Վրաստանի Հանրապետության ներքին գործերի նախարարության արտակարգ իրավիճակիների դեպարտամենտի հետ` նրանց մոտ զոհեր և ավերածություններ չկան: