Սարգսյանը և Ալիևը կարող են հանդիպել աշնանը. Ուորլիք

ԵԱՀԿ Մինսկի խմբի համանախագահները մտադիր են առաջիկայում այցելել տարածաշրջան, սակայն այցի ժամկետները դեռ ճշտված չեն: Այդ մասին  ադրբեջանական АПА-ին  ասել է ԵԱՀԿ ՄԽ ամերիկացի համանախագահ Ջեյսմ Ուորլիքը:

«Սոչիում տեղի ունեցած քննարկումները շարունակելու և ղարաբաղյան հակամարտության խաղաղ կարգավորմանն ուղղված բանակցային գործընթացն առաջ տանելու նպատակով նախագահները կարող են հանդիպել աշնանը: Համանախագահները պատրաստ են աջակցություն ցուցաբերել՝ բանակցություններում առաջընթաց գրանցելու համար: Հայ և ադրբեջանցի ժողովուրդները նույնպես պետք է հասկանան, որ շարունակվող հակամարտությունը չի բխում իրենց պետությունների շահերից: Հուսով եմ, որ մարդիկ կընտրեն խաղաղությունը»,-ասել է նա: