Աշխարհազորայինները հարսանիք են արել հակամարտող Սլավյանսկում

Ուկրաինայի Սլավյանսկ քաղաքում աշխարհազորային Սերգեյ Տարասենկոն ամուսնացել է իր զինվորական ընկերուհու` Վալերիայի հետ: Այս մասին հայտնում է lifenews.ru-ն:

Նորապսակները խոստովանել են, որ եթե երկրի հարավ-արևելքում պատերազմ չլիներ, ապա երբեք չէին ծանոթանա: Վալերիան գնացել էր առաջին գիծ` սնունդ պատրաստելու, և հանդիպել էր Սերգեյին: Երիտասարդները միանգամից համակրել էին իրար և որոշել չձգձգել ամուսնությունը: Քանի որ Սլավյանսկում չկան ջուր և էլեկտրականություն, նորապսակները միայն համեստ ֆուրշեթ են կազմակերպել Քաղաքացիական կացության ակտերի գրանցման բաժնում:

Նորապսակ աշխարհազորայինները որոշել են հարսանիքի հաջորդ օրն իսկ վերադառնալ առաջին գիծ: