ՌԴ Դաշնային խորհուրդը վավերացրել է Ռուսաստանի և Հայաստանի միջև ռազմատեխնիկական համագործակցության զարգացման մասին պայմանագիրը

ՌԴ Դաշնային  խորհուրդը հունիսի 25-ին վավերացրել է Ռուսաստանի և Հայաստանի միջև ռազմատեխնիկական համագործակցության զարգացման մասին պայմանագիրը. հայտնում է ИТАР-ТАСС-ը: 

Փաստաթուղթն ստորագրվել էր Երևանում 2013-ի  հունիսի 25-ին: Այն սահմանում է ռազմական նշանակության արտադրանքի փոխադարձ մատակարարումների կարգը՝ ՀՀ և ՌԴ զինված ուժերին, իրավապահներին զինելու նպատակով:

ՀՀ խորհրդարանը փաստաթուղթը վավերացրել էր 2014-ի դեկտեմբերի 4-ին:

«Պայմանագրի համաձայն՝ ռազմական նշանակության արտադրանքի մատակարարումներն իրականացվելու են կողմերի լիազոր կազմակերպությունների կողմից կնքված պայմանագրերով` առանց ներկրման/արտահանման լիցենզիայի»,- ասվում է պայմանագրին կից փաստաթղթերում:

Ենթադրվում է, որ վավերացումից հետո պայմանագրի իրականացման համապատասխան մեխանիզմը սահմանված կարգով կորոշի ՌԴ նախագահը: