Կառավարությունը համարձակ քայլ է կատարել. վարչապետը խոսեց նպատակային սոցիալական վճարի մասին

Այսօր մի քանի լրագրողների հետ զրույցում, անդրադառնալով պարտադիր կուտակային համակարգին փոխարինող նպատակային սոցիալական վճարին, վարչապետ Հովիկ Աբրահամյանը հայտարարեց, որ դա «շատ ճիշտ քայլ էր»: Այս մասին տեղեկացնում է 

Ինչպես տեղեկացնում է Yerkir.am-ի թղթակիցը, վարչապետը նաեւ ասաց, որ հուլիսի 1-ից 200 հազարից ավելի պետական աշխատողների աշխատավարձերը միջինը 40 տոկոսով բարձրանալու են:

«Կառավարությունը համարձակ քայլ է կատարել` մոտ 38 մլրդ դրամ է հատկացրել այդ աշխատավարձերի բարձրացմանը»,-հայտարարեց Հովիկ Աբրահամյանը եւ հիշեցրեց, որ նպատակային սոցիալական վճարը տարածվելու է պետական սեկտորի աշխատողների վրա, իսկ մասնավոր հատվածի համար այն պարտադիր է դառնալու 2017թ. հուլիսի 1-ից:

Մեր դիտարկմանը, որ բարձրանալու է միայն քաղծառայողների աշխատավարձը, Հովիկ Աբրահամյանը միայն պատասխանեց, որ նվազագույն աշխատավարձ ստացողների նպատակային սոցիալական վճարը կատարելու է կառավարությունը: